النهر البارد والرئيس الساخن

شارل عقل

23/8/07

طبعاً رح تسألو!

شو جاب الطزّ لمرحبا؟

عفواّ يا لبنانيي، لكن التلم الأعوج من التور الكبير!

هنـّي علـّمونا هالحكي..

وهيك هيك لبنان اليوم كلـّو اعوج!

خلـّينا نحكي اعوج ونفهم جالس...

بداية نهر البارد..

متل بداية لحود..

كلن زقفولن لكن..

وين النهاية؟؟؟

جنرالين، عيـّنتنْ سوريا..

ضحك علينا أول جنرال..

وعم يضحك علينا التاني..

والتالت ترك البدلة، ولبس تياب البربارة..

فِكرو يتذاكا عالأول!

صارو تلات جنرالات!

كل يللي عندن يقولوه!

أمرك سيدنـــــــــــــــا!!!

كاتب هالسطور..

كان قائد لمعركة تلّ الزعتر..

وكانت رح تتكرر مهزلة اليوم..

لولا حفنة من الشباب..

تحدّو اميركا و إسرائيل وسوريا و الجبهة اللبنانية..

نقسمو قسمين..

قسم طلع على بعبدات، لتأخير دخول الجيش السوري..

وقسم تاني..

وبملالة وحدة، وقمصان نص كم..

أنتهو بيوم واحد من الإسطورة..

وخللي جنرالات اليوم يكذّبوني...

شوهالبروباغاندا يللي عم بتصير اليوم؟

شو فتح الإسلام عم بيخلفو؟

ومين عم بيساعدن بالسرّ؟

وليش كانو خط احمر؟

وليش اليوم خطن اخضر؟

وليش الكلّ، حتى سوريا مباركينو؟

ومين عم بيقود المعركة اليوم؟

هل هيي الحكومة يللي بيعتبروها غير شرعية؟

وكيف تاركينا؟

ام قائد الجيش يللي عم يزحف للرئاسة؟

ومين سامحلو؟

ام 8 و14 صارو 22 ومتفقين علي مهزلة وحدة؟

ان كان عن قصد او عن غشمنة..

إنن يخلو الجيش يبين منو قادر على إنهاء مربع امني صغير!

وما يعود يسترجي يفكرّ بالمربعات التانية!!!

من أول يوم هالأسئلة عم تتخبط براسي..

لكن كن بتمي ميّ..

قلت يمكن غلطان،عطيهن وقت..

لكن اليوم،فاحت الريحة..

وكل مسؤول بيضل ساكت..

بيكون عم بيشارك بقتل ولادنا..

ابطال الجيش اللبناني...

إنسو الوزارات..

إنسو الترشيحات..

كونو شي مرة ابطال وخلصو آخر مؤسسة بلبنان من الإستهزاء..

وإلا رح يصير عنا وزارة بلا جيش..

ورئيس بلا وطن...

شارل عقل 23/8/07