نيال لبنان بجنرال تغيير واصلاح دون كيشوتي ووج صحارتو اعور وأسود!!

الياس بجاني

07 تشرين الثاني/14

 

مبارح كان بالنتاق والهرار والمسخرات والهبل المفضوح دور الأعور فادي من تلفزيون جنرال الأوهام والنرنسيسية والفوتو شوب.

ضاع الأعور فادي وبعدو ضايع وصعبي حدا يلاقيه ويردوا ع عصفورية مستشفي الرابية!!

حالة الفادي يا حرام كانت أكتر من تعتير، وأكتر من مسخرة، وأكتر من بهدلي، وأكتر من كل شي طروادي.

فادي فيلت لسانو المغسل ومشحم بمحطة وئام وهاب وما ترك مفردات زقاقية وزجلية وشوارعية وعونية وعكاظية تعتب عليه.

الفادى، وفيدا الجنرال والكرسي، مدح وقدح وذم، فاستحق بامتياز مسمى قداح ومداح عوني مأجور.

فعلاً ما في بكلام الأعور فادي الضايع شي بيستحق ينرد عليه غير الشفقة والتهكم والدعاء له ولجنراله والربع بالشفاء.

مقابلتو ما كانت مقابلة، بل حفلة استفراغ واسهال كلامي تفوح منها روائح نتانة ونفاق المقاومة والممانعة والتحرير.

بطل فادي ومين قدو! بطل ذموي وتقوي ع الآخر، وكمانبطل غير شكل.

بطولات وعنتريات الفادي طاحونية، يعني دون كيشوتية ومتل قلتها، ووجودها من عدمه واحد.

يا حرام بهدل حالو الفادي لأنو ما حصو بالإعلام والكلمة ما بيعرف لا قيمتها ولا قدسيتها.

مبارح ضاع فادي وبعدو ضايع من بعد ما دنس قدسية الكلمة وكشف عوراتو بحفلة ستربتيز ما بعدا حفلي.

واليوم طل من النيو تي في الأسود زياد بطل المقاومي والكازينو وباقي ساحات المازوت يلي اسمها ع اسمو.

طل الأسود بسوادو وعتمتو وشحتارو، وكمل ع يلي نسيون الأعور فادي، او ما عرف يحكيون بكلامو الدبِّش.

يا حرام ع الأسود يلي قلبو مفحم أكتر الفحم.

يا حرام الأسود زعلان ومكدر خاطرو على اساس انو مددولو نيابتو عنوةً وقسراً

أسود، نائب ال عنوةً وقسراًما بدو لا هوي ولا جنرالو ولا ربعون، ربع مغارة الرابية والأربعين يستقيلوا حتى ما تفضا الساحة.

اسودنا بسوادو وفحمو مش عاجبتو الطبقة السياسية، ومش معتبرا بالمرة ع اساس انو هو طبقتو غير طبقة.

كتير منيح إنو الأسود متلنا مش راضي ع سيدنا الراعي لأنو مش عم يقول الحق ولا قابل البحص يبق.

مع انو شغلة البحص بالمقالع والكسارات ربيحا كتير ومنها الفتوش نقولا عايش ترخني.

حزين الأسود وزعلان من سيدنا الراعي ومش عارف ليش ما عم يزور جزين.

مع انو سيدنا زياراتو ع مد الكون ووسعو وهات تا يزور لبنان بين الزيارة والزيارة.

بلكي الصهر الجبران ومعو الماروني الغيور ع ملف التجنيس والإغتراب وبكركي النائب نعمة الله ابي نصر بيقنعوا سيدنا يزور جزين تا يرضى الأسود عليه وع بكركي.

عقدة الأسود وفحمو هي الحكيم، ومش قادر يفكها.

هالعقدي كل يوم عم تتشربك وتتعقد معو أكثر وما فادتو بشي جلسات الكهرباء بمستشفي الرابية.

حالة الأسود بفحمو وشحتارو ما في منها نوى وما لها دوا، وكمان مش عييشي حالة الأعور فادي.

وبالخلاصة، نيال لبنان بجنرال تغيير واصلاح دون كيشوتي ووج صحاتو اعور وأسود!!

 

سيدنا الراعي يبدأ غداً زيارة قصيرة للبنان

الياس بجاني/07 تشرين الثاني/14/ينهي غداً سيدنا الراعي جولته الأسترالية ويبدأ زيارة قصيرة للبنان لم يحدد عدد أيامها وربما أسابيعها. زيارة سيدنا لأستراليا تميزت بصاروخية مواقفه الرمادية التي ساوت بين القاتل والقتيل وتخللتها نوبات غضب مسرحية مؤثرة جداً اضافة لرزم من الإتهامات المرتفعة السقوف أطلقها بشجاعة عملاً بالآية التي تقول لا تدينوا كي لا تدانوا!! هذا وتوج سيدنا اليوم غضبه من وعلى النواب بدعوة من عارض منهم التمديد للمجلس أن يستقيل، كما قرر أن لا يتعاطى مع النواب المرتزقة هؤلاء وأن يبدأ اتصالات فورية مع الدول التي يعمل النواب غير الشرعيين المرتزقة عندهم. ممتاز ، هذا موقف كبير وبالتالي على سيدنا إن كان جاداً أن يقطع زيارته للبنان ويتوجه وفوراً إلى إيران الملالي التي يعمل مرتزقة 08 آذار عسكر اً وأبوقاً وصنوجاً عند حرسها الثوري ببركات وعطايا وفرمانات سليمانها القائد الفذ الذي يعتبر أن حدود بلاده تمتد حتى جنوب لبنان.في الخلاصة دعونا نصلي من أجل أن ينعم علينا الله ويساعدنا على الخلاص من زمن المحل وزمن البؤس وزمن التعتير وزمن قلة الإيمان وخور الرجاء والرب سميع ومجيب، آمين

الكاتب ناشط لبناني اغترابي
عنوان الكاتب البريدي
Phoenicia@hotmail.com