حدا يفهمنا كيف القومي السوري العلماني ومعه الشيوعي اللاديني وعون حامل لواء الحقوق المسيحية هم حلفاء وتابعين لحزب الله الأصولي والمذهبي ومع مشروع إيران الإمبراطوري ومع الأسد الكيماوي والبراميلي!!

الياس بجاني/11 أيلول/15

حقيقة إذا حدا من جهابذة المقاومة والممانعة والتحرير والنحر والغزوات بيقدر بالعقل والمنطق والمحسوس والملموس من المعايير الأرضية والإيمانية والعقلية كافة، إذا بيقدر يبفهمنا نحن البسطاء والكفار ربما، كيف القومي السوري العلماني ومعه الشيوعي اللاديني ع الآخر وعون حامل لواء الحقوق المسيحية وربع شغيلة زاهر الخطيب، كيف هودي كلون هم حلفاء وتابعين لحزب الله الأصولي والمذهبي ومع مشروع إيران الإمبراطوري ومع الأسد الكيماوي والبراميلي!!

منكون فعلاً من الشاكرين لأنو هذا التحالف ب 08 آذار ما بيركب على قوس. وأكيد بيهمنا المردي كمان يشرح لنا كيف هو ونظام الأسد خاص ناص، وبطريقه يخبرنا البيك سليمان يخبرنا إذا بيعرف شو يعني مردة وشو هو تاريخ المردة وشو هي هويتون ومين هني اعدائهم؟ وأكيد ما فينا ننسى كمان نوجه السؤول نفسه إلى الناصرين وكل العروبين والقومجي ويلي همون يكبوا إسرائيل واليهود بالبحر!!

هودي كلون باختصار عايشين بغير زمن وبعالم من الأوهام وأحلام اليقظة وثقافتون حربائية ومن دون تبات على أي شيء. يعني ثقافة قوس قزحية وكل يوم بلون وعاشت الحرية ومعها كل شعارات نفاق المقاومة والممانعة والتحرير وبضهرون خبرية حمايتنا نحنا المسيحيين في لبنان من الأصوليين والأصولية وداعش والنصرة وباقي الربع يلي هني كلون صناعة سورية وإيرانية وتركيةومن تفقيس ماكينات مخابراتون وبطلهم الأغر أبو عدس كان وج الصحارة!!

 

بعض تغريداتنا لليوم

الياس بجاني/11 أيلول/15

ميشال عون عملياً وواقعاً هو الأخطر على لبنان من حزب الله والأسد والملالي كونه طروادي واسخريوتي يخدع شرائع كبيرة من أهلنا ويقودهم إلى المهالك. هو مسيح دجال.

نرى أنه من واجب سيدنا الراعي الذي عارضناه سياسياً منذ بدأ حبريته ولا نزال أن يعود إلى ثوابت صرحنا ويسمي من يعطل انتخاب رئيس وعون تحديداً ويحرمه كنسياً.

من حق وواجب كنيستنا المارونية أن تطرد عون وتحرمه عملاً بقوانينها لأنه يدمر لبنان عن سابق تصور وتصميم ويخدع الموارنة البسطاء ويسوق للكراهية والفوضى والحروب.

بعض تغريداتنا ليوم أمس التي تحكي خيانات جماعات 14 آذار المشاركين في حوار نفاق واحتيال نبيه بري

الياس بجاني/10 أيلول/15

*من شارك أمس في طاولة حوار الإستيذ نبيه من افراد 14 آذار هم عملياً يلحسون المبرد ويتلذذون بملوحة دمائهم. باختصار هم ينتحرون وينحرون لبنان

*البارحة لم يكن هناك أي وجود لنجوم على طاولة الإستيذ نبيه، بل وبصراحة كان هناك مجموعة من الكومبارس. نعم كومبارس!!

*التيس ما بينحلب والديك ما بيبيض وجلسات حوار الإستيذ نبيه عقيمة يعني هي شّكّرْ لا انثى ولا ذكر ومتل العنزي يلي بتاخد طون فياغرا وبتبقى عنزي.

*يا حرام ع كل يلي راحوا مبارح ع حوار الإستيذ نبيه لأنو متل ما راحو رجعوا. بس الجنرال راح رايق ورجع منرفز ومسموم لأن بطرس حرب رفض تأليه وبرشو.

*طاولة حوار عقيمة لا منها فائدة ولا من يلي اجتمعوا حولها. وكيف بدها تكون مفيدة والمحتل يلي هو حزب الله تاركين له دويلاته وسلاحه وعسكره وغاشين وما عم يحكوا بملف احتلاله!

 

**الكاتب ناشط لبناني اغترابي

عنوان الكاتب الألكتروني

phoenicia@hotmail.com