بقلم/شارل
عقل 31/12/2006
سألوني الناس عنك
يا 17 أيار!
قال كيف
بحطـّك بنفس
المستوى!
مع إتفاق
الطايف !
بمقالتي الأخيرة؟؟؟
وطبعآ رَدّي ما رح
يكون
دفاع عن 17 أيار!
ولا هجوم
عالطايف!
لكن تالشعب
يعرف
إذا القصـّة كفّ
عدس؟
ولاّ اكلنا
الضرب بدون ما
نعرف...
ضبـّو الِشنَطْ
نوّابنا!
وركضو مستعجلين
عالطايف!
مضيو قبل ما
يلحقو يسألو!
ورجعو قبل ما
يعرفو!
ولليوم بعدن
ما عرفو!
مين عمل
الإتفاقية؟
شو مصلحة
لبنان فيا؟
شو تنفـّذ
فيا لليوم؟
وليش الكل بدّن
ياها؟
كان عِنـّا
راس واحد
ولابس طربوش!
صار عِنـّا
تلات روس
بطربوش واحد!
وبيضلّ هالطربوش
ضايع...
إتفاقية،
بدل ما
تطلـّع
المحتلّ!
سمحتلو يبقى
15 سنة زيادة!
وبدل ماتصادر
السلاح من
الشعب!
صادرتو من
فئة!
ودكـِّت رئيسو
بالحبس!
أمـّا الفئة
التانية!
سلاحا عم بيزيد
بدل ماينقص!
وصارت!
بدل ما تهدّد
الدولة
الإسرائيلية!
بدّا تفرط
الدولة
اللبنانية!
قال تحرك
ديمقراطي قال!
اي لولا
السلاح يلـّي
معن!
كانت
الدولة،
بنبريش
الأطفائية!
رجعتن
عالجنوب...
ولو هالديمقراطية
مارسوها
بالجنوب!
كانو بهال 29
يوم!
طلـّعو
اسرائيل من
شبعا
ومن الضيع
السبعة كمان...
وبدون كترة
تفاصيل!
خلـينا نرجع
ل17 أيار..
اتفاق
اشترك بأدقّ
تفاصيلو!
متل ما عادة
بيصير بين
دولتين
عندن حدود
مشتركة..
مندوبين من الدولة
اللبنانية!
بعكس صديقو
الطايف!
قيـّمو
الدني!
وبعد ما قعدت!
خلـينا نقول
هَيّ
ديمقراطية!
ما عِنـّا
مشكلة..
لكن يلـّي
صار إنـّو!
خسرت
اسرائيل
رهانا مع
لمسيحي..
وسلـّمت
حدودا لحزب
الله!
نجح بحماية حدودا
ومنع اي
حزب
او منظمة!
من شنّ
عمليات على
اسرائيل!
لمدة 6 سنين...
سنة 2006 نشأ حلف
غير منتظر!
بين سوريا
وايران!
لبَـّك حزب
الله!
ولبَـّك
اسرائيل!
اخترعت
اسرائيل
فولكلور 12
تموز!
ما كان ناقصو
إلا كبريتة!
وبمعرفة ام
بجهل!
خلقت
الكبريتة
بوقتا!
وصار اللي صار...
والنتيجة؟
انتشار
الجيش
اللبناني على
الحدود
لمنع اي
عملية عسكرية
من المنظمات
الفلسطينية
والأحزاب
اللبنانية
الموالية على
اسرائيل....
هيدا يا
اخوان
البند
الأساسي
بحرفيتو
لإتفاق 17
أيار...
مبروك و هيدا
مش كفّ عدس...
كف العدس
هوّي سلـّة
الحلول!
او سلـّة
المبادرات!
او سلـّة
التسويات!
كلـّها
سلـّة!
وعمبيعبّو
فيها ميّ...
كف العدس
هوّي حكومة
الوفاق
الوطني!
يلـّي لا رح
تخلـّي حكومة!
ولا رح تخلـي
وطن...
كف العدس
هوّي المحكمة
الدولية!
وهون بيت
القصيد..
قال ما لحقو
يقروها...
لكن المحكمة
الدولية!
رح تفرجي
الناس
انو القصة مش
سرقة كف عدس
هي قصة تفجير
البلد
واغتيال
زعماءو
وكل لبناني
عم يتظاهر
اليوم
عن علم ام عن
جهل
بيكون عم
بيغطي
المجرمين...
قال اتهمو
الوزير حمادة!
يلـّي خسر
نص عمرو
بالتفجير
وبدن يخسّرو
النص التاني
بالتخوين...
وجهابذة
السياسة بحزب
الله!
لازم يعرفو!
لو اسرائيل
بدا راس السيد
حسن نصرالله!
ما كانت عملت
12 تموز...
اسم الله
عليكن!
تهدم نص
البلد!
وما حدن منكن
دقتو شوكة...
لازم تعرفو
إنو الحرب
خلصت!
وإذا بدّكن
شوية مكاسب
لحلفائكن؟
خدوها بكرا بالإنتخابات!
لمن بيجي
وقتا
مش لمـّن
انتو بدكن...
ما تخربو
البلد
تنضل نحبكن...
ولو دامت
لغيركن!
ما كانت
وصلتلكن...
شارل عقل 31/12/2006