ما أشبه الوجوه، حتى الوجهان السياسي والغرامي قد يتشابهان، أهديكم هذه القصيدة التي كتبتها لطاعنتي حبيبتي السابقة ولطاعني رئيس جمهوريتي السابق أيضاً في نظري اميل لحود وهي من سلسلة قصائد " خائنون"

من سلسلة قصائد " خائنون"

تاج أرخص من حجر

بقلم الشاعر انيس زبيدي

بْتحلف ع لون الاحمر وْبتقول باج

بتحطّ وَصمِة عَارك وْبتقـــــــول تاج

بتجيـــب أهْلْ المجرِم لإبنن شهود

وْبيصيبني لـَـــــو خِدْت كِلماتك سياج

مِتلْ الأخد كلمِة مِنِ الديب الحقود

الْ قلّن عليّ حْمايِــــــة صْغار النعاج

بْتقتل ورود مْعيّدي بْركـْــــن الشباب

وْبتقول عِطرَك غدرَك وْتركَك وْغِاب

مِتلْ الْ حِمِلْ دمّ الضحيّة وْصار يْقول

هيدي دموعــــي احمرّت بْنار العذاب

بْتشكي تا تفتح عا قلوب الناس باب

مِتْلْ جزّار ولقلبو مــــــــــــا استجاب

بْيشكي لأنّو شفرتــــــو مش طيّبي

وْيوم الجريمِـــــة تْعذّب بْقطع الرقاب

بْتبكــــي وْقلبك نشّف بْكفّ الرياح

وْقلْبْ الْ خِسِر محبوب عاقدّك ما ناح

وْدمْعك بْينزل مِــــن عيونك متلما

عم تنزل دْموع الرصاص مْنِ السلاح

بْتبكي وْكأنّك دايب بْحضن الشموع

وْلو جيت صدّق دَمعك بْلحظِة ركوع

كِنت صِبّيتو بقلبــــي وْكِنت صِرْت

أوّل حــــدا بيموت برصاص الدموع

هالمملكِة الْ عن بابها الحارِس هجر

وْحيطانهـــــــا رجْفِت مِتِلْ غِصْن الشجر

وَقعت حجارتهـــــا ع كرسِة مْخلّعة

وْنامت ع تاج الْ صار أرخص مِن حجر

نيويورك

الشاعر المغترب أنيس زبيدي

IloveYouLebanon@hotmail.com